ᓄᓇᕕᒻᒥ ᒥᕐᖑᐃᓯᕐᕖᑦ ᐃᓕᑕᕆᔭᐅᒍᑎᑖᕐᖁᖅ Gold Leaf ᐃᓕᑕᕆᔭᐅᒍᑎᖓᓂᒃᓄᓇᕕᒻᒥ ᒥᕐᖑᐃᓯᕐᕖᑦ ᐃᓕᑕᕆᔭᐅᒍᑎᑖᕐᖁᖅ Gold Leaf ᐃᓕᑕᕆᔭᐅᒍᑎᖓᓂᒃ12/11/2017 5:00:00 AM
​ᓅᕕᒻᐱᕆ 9, 2017-ᒥ, ᐃᓚᒋᔭᐅᑎᓪᓗᒍ ᐊᕌᕐᒍᑕᒫᑦ ᑲᑎᖕᖓᓂᕆᓲᖓᓄᑦ, CCEA-ᒃᑯᑦ ᐁᑦᑐᐃᓛᕐᑐᑦ 2017-ᒥ ᐃᓕᑕᕐᓯᒍᑎᒥᓂᒃ Gold Leaf-ᒥᒃ ᓄᓇᕕᒻᒥ ᒥᕐᖑᐃᓯᕐᕕᓄᑦ. ᑖᓐᓇ ᓵᓚᖃᐅᑎ ᐃᓕᑕᕐᓯᒍᑎᐅᓲᖅ ᐃᑲᔪᕐᓯᓯᒪᔪᓂᒃ ᐃᓄᑑᓈᕐᑎᑐᓂᒃ ᐅᕝᕙᓘᓐᓃᑦ ᑲᑎᖕᖓᔪᓂᒃ ᐊᑦᔨᐅᖏᑦᑐᓂᒃ ᐱᔭᖃᕐᓯᒪᔪᓂᒃ ᓴᐳᑦᔨᒐᓱᐊᕐᓂᒥ ᓄᓇᐅᑉ ᐊᕙᑎᖏᓐᓂᒃ ᐊᑦᔨᒌᖕᖏᑐᓂᒃ ᐊᒻᒪᓗ ᓴᐳᑦᔭᐅᒪᔪᖕᖑᑎᑦᓯᒐᓱᐊᕐᓂᒥᒃ ᓄᓇᓂᒃ. ᓄᓇᕕᒻᒥ ᒥᕐᖑᐃᓯᕐᕖᑦ ᐃᓕᑕᕆᔭᐅᒍᑎᑖᕐᑎᑕᐅᓛᕐᑐᖅ ᓄᓇᖃᕐᖄᓯᒪᔪᑦ ᑎᒥᐅᔪᖏᓐᓅᓕᖓᔪᒥᒃ ᐃᑦᔭᕋᑦᓴᓯᐊᖑᑦᓱᓂ ᑐᓂᒪᓂᕐᒥᓄᑦ ᓴᐳᑦᔨᓂᕐᒧᑦ ᐊᒻᒪᓗ ᓴᐳᑦᔭᐅᒪᔪᖕᖑᑎᑦᓯᓯᒪᓂᕐᒧᑦ ᓄᓇᓂᒃ ᓄᓇᕕᒻᒥ.
 
ᑌᒃᑯᐊ ᓯᑕᒪᑦ ᒥᕐᖑᐃᓯᕐᕖᑦ ᓄᐃᑕᐅᒪᓕᕇᕐᑐᑦ ᓄᓇᕕᒻᒥ ᐊᖏᓂᓖᑦ 37,000 km2-ᒐᓚᓐᓂᒃ, ᐅᕝᕙᓘᓐᓃᑦ ᐊᖏᓂᕐᓴᖅ 7%-ᖓᓂᒃ ᓄᓇᕕᐅᑉ. ᐊᒻᒪᓗᑦᑕᐅᖅ, 13%-ᖓᓂᒃ ᐊᖏᓂᕐᓴᖅ ᓄᓇᕕᐅᑉ ᐊᓪᓚᑕᐅᒪᔪᖅ ᓴᐳᑦᔭᐅᒪᔫᑦᓱᓂ ᓄᓇ. ᐃᓚᒋᔭᐅᑦᓱᓂ ᓱᒃᑯᑕᐅᑎᑦᓯᑌᓕᓂᕐᒧᑦ ᐊᖏᔪᒥᒃ ᓄᓇᕕᐅᑉ ᓄᓇᖓᓂᒃ, ᓄᓇᕕᒻᒥ ᒥᕐᖑᐃᓯᕐᕖᑦ ᐱᔭᑦᓴᓕᒃ ᖃᐅᔨᒪᔭᐅᑎᑦᓯᒐᓱᐊᕐᓂᒥᒃ ᐃᓄᐃᑦ ᐃᓗᕐᖁᓯᖓᓂᒃ. ᑖᓐᓇ ᐱᑦᔪᑎ ᑐᖕᖓᕕᒋᔭᐅᔪᖅ ᐊᐅᓚᓂᖏᓐᓄᑦ ᑲᒪᒋᔭᐅᓂᖏᓐᓄᓗ ᑲᓇᑕᒥ ᒥᕐᖑᐃᓯᕐᕕᐅᔪᑦ ᓄᓇᕕᒻᒥ. ᒥᕐᖑᐃᓯᕐᕖᑦ ᐃᓘᓐᓇᑎᒃ ᐃᓗᕐᖁᓯᖅ ᐃᓚᐅᑎᓪᓗᒍ ᒥᕐᖑᐃᓯᕐᕕᒦᑦᑎᓯᓲᑦ ᐃᓚᒋᔭᐅᑎᓪᓗᒍ ᓄᓇᕕᒻᒥ ᑮᓇᐅᔭᑎᒍᑦ ᐱᕙᓪᓕᐊᒐᓱᐊᕐᓂᒧᑦ.
 
ᓄᓇᕕᒻᒥ ᒥᕐᖑᐃᓯᕐᕖᑦ ᑲᔪᓯᔪᖅ ᐱᓇᓱᐊᕐᓂᒥᒃ ᐱᔭᖃᕋᓱᐊᕐᓂᒥᒃ ᑯᐯᒃᒥ ᓴᐳᑦᔨᓂᕐᒧᑦ ᑐᕌᕐᑕᐅᔪᒥᒃ ᓴᐳᑦᔨᓂᕐᒥᒃ 20%-ᖓᓂᒃ ᓄᓇᕕᐅᑉ 2020 ᐊᕐᕌᒍᖓ ᑎᑭᓚᐅᕐᑎᓇᒍ. ᐱᓇᓱᐊᕐᓂᖅ ᑲᔪᓯᔪᖅ ᑕᒐᑕᒐ ᒥᕐᖑᐃᓯᕐᕕᑦᑖᕋᓱᐊᕐᓂᒧᑦ ᐃᓗᐃᓕᕐᒥᒃ, ᓴᓪᓗᓂᑦ ᐃᕗᔨᕕᒻᒧᑦ ᑎᑭᑦᑐᒥᒃ ᓯᑦᔭᖓᒍᑦ.

​​​Text from Camille Legall-Payne
 
Iluiliq Park Project, Nunavik (c) Alain Thibault​

Information Session, Kangiqsualujjuaq, Nunavik (c) Olivier Paradis​
 
 
Iluiliq Park Project, Nunavik (c) Alain Thibault

ᑲᓇᑕᒥ ᑲᑎᖕᖓᔩᑦ ᑮᓇᐅᔭᓕᕆᓂᕐᓄᑦ (CCEA) ᖄᖏᕐᓂᑯᓕᐅᕐᑎᐅᒐᓂ ᑎᒥᐅᔪᖅ ᐱᔭᑦᓴᖃᕐᓱᓂ ᐱᔭᕆᐊᑭᓪᓕᑎᕆᓂᕐᒥᒃ ᐃᑲᔪᕐᓯᓂᕐᒥᓗ ᓴᐳᑦᔭᐅᒪᔪᖕᖑᑎᑦᓯᒐᓱᐊᕐᓂᒥᒃ ᓄᓇᓂᒃ ᑲᓇᑕᒥ.
Pingualuit;Tursujuq;Kuururjuaq