Parc national Tursujuq offers its first winter excursion Parc national Tursujuq offers its first winter excursion 26/12/2016 5:00:00 AM

ᓄᐃᑕᕕᓂᐅᔪᖅ 2011-ᒥᑦ ᐊᒻᒪᓗ ᐃᖏᕐᕋᓕᕐᓱᓂ 2003-ᒥᓂᑦ. ᑐᕐᓱᔫᖅ ᒥᕐᖑᐃᓯᕐᕕᖓ ᐊᑐᐃᓐᓇᐅᑎᑦᓯᓛᕐᓂᐊᓯᒻᒥᔪᑦ ᔭᓄᐊᕆ 2017-ᖑᓕᕐᐸᑦ ᐅᑭᐅᒃᑯᑦ ᒪᙯᖕᖑᐊᑎᑦᓯᒍᓐᓇᓂᕐᒥᒃ ᐅᐱᒍᓱᓐᓂᖃᕈᑎᖃᕐᓱᑎᑦ ᐃᓄᐃᑦ ᐱᐅᓯᑐᖃᖓᓂᒃᖃ ᑕᒪᓐᓇ ᓱᓕᔪᒥᒃ ᕿᑲᕐᓇᖏᑦᑐᒥᒃ ᐃᖏᕐᕋᓂᐅᔪᖅ ᐊᑕᐅᑦᓯᑰᕐᑎᓯᓂᖃᕐᑐᖅ ᐃᓕᕐᖁᓯᕐᒨᓕᖓᔪᓂᒃ ᓱᖃᑦᓯᑎᑦᓯᓂᐅᔪᓂᒃᖓ ᓯᐊᕐᕆᔭᐅᑎᑯᑖᒃᑰ ᓯᐊᕐᕆᔭᕐᑎᓯᓂᕐᒥᒃ ᓄᓇᑐᐃᓐᓇᑯᑦ, ᐃᓕᕐᖁᓯᑎᒍᑦ ᒪᙯᑦᑎᓯᓂᕐᒥᒃ ᐊᕐᓴᓂᓕᔮᕐᑐᒥᒃ ᐊᒻᒪᓗ ᖃᐅᔨᒋᐅᕐᑎᓯᓂᕐᒥᒃ ᐱᐅᔪᒻᒪᕆᐅᓂᖓᓂᒃ ᓄᓇᕕᒃᖃ “ᐃᓄᐃᑦ ᐃᓕᕐᖁᓯᖓ ᐃᓕᕐᖁᓯᖃᕐᖁᖅ ᐅᑭᐅᒥᒃᖃ ᐊᓕᐊᒋᔭᐅᓂᕐᐸᐅᓱᓂ ᐃᓄᓐᓄᑦᖓ ᐊᒻᒪᓗ ᐳᓛᕆᐊᕐᓂᒥᒃ ᒥᕐᖑᐃᓯᕐᕕᒧᑦ,” ᑐᑭᓯᓇᕐᑎᓯᒋᐊᕐᑐᖅ ᓵᓕ ᑐᒃᑐ, ᒥᕐᖑᐃᓯᕐᕕᐅᑉ ᑐᑭᒧᐊᕐᑎᓯᔨᖓᑦ.


© Michel Harcc-Morissette/Sarah Dube

ᑐᕐᓱᔫᑉ ᒥᕐᖑᐃᓯᕐᕕᖓ ᐊᑦᔨᐅᖏᑦᑐᓚᕆᐅᕗᖅᖃ ᓄᓇᕕᐅᑉ ᐱᐅᓂᕐᑕᖃᓪᓚᕆᓐᓂᖓ ᐊᖏᓂᓕᒃ 26,107 km2, ᑖᓐᓇ ᒥᕐᖑᐃᓯᕐᕕᒃ ᑕᓯᐅᔭᕐᔪᐊᑉ ᓯᑦᔭᖓᑕ ᓯᑦᔭᖓᓃᖕᖏᓗᐊᕌᐱᑦᑐᖅ, ᖃᓂᑕᖃᕐᓱᓂ ᐃᓄᐃᑦ ᓄᓇᓕᖁᑎᖓᓄᑦ ᐅᒥᐅᔭᕐᒧᑦ. ᑕᒪᓐᓇ ᓄᓇᑕᖓ ᐱᑕᖃᕐᑐᖅ ᓇᔫᑎᔭᐅᓯᒪᓂᕐᒥᒃ ᐃᓄᓐᓄᑦ 3000 ᐊᕐᕌᒍᐃᑦ ᐅᖓᑖᓄᑦ ᐊᒻᒪᓗ ᑕᐅᕐᓯᐅᑎᑲᑦᑕᕆᐊᕐᑐᕕᐅᑲᑦᑕᓂᑰᒻᒥᓱᓂ ᐃᓄᓐᓄᑦ ᐃᕐᕿᓕᓐᓄᓗ. ᐅᑭᐅᒃᑯᑦ. ᑖᓐᓇ ᒥᕐᖑᐃᓯᕐᕕᒃ, ᐊᓯᑦᔨᓂᖃᓲᖅ ᐊᐳᓯᕐᓯᒪᒻᒪᕆᓐᓂᑯᑦ ᓄᓇᑕᖓ ᐱᐅᓯᒻᒪᕆᑦᓱᓂ ᐊᒻᒪᓗ ᒪᙯᖕᖑᐊᕕᑦᓴᓯᐊᕈᕐᓱᓂ ᐅᑭᐅᓕᒫᒃᑯᑦ ᐱᕕᑦᓴᓯᐊᖑᓂᕐᐹᕈᕐᓱᓂᖃ ᐅᑭᐅᒃᑯᑦ ᑕᑯᑦᓴᐅᑎᑦᓯᒋᐊ ᐱᐅᓂᕐᐸᐅᕗᖅ ᐱᐅᓯᑐᖃᕐᑎᒍᑦ ᒪᙯᓐᓂᒥᒃ ᐊᒻᒪᓗ ᐃᖃᓪᓕᐊᓂᕐᒥᒃ. ᑕᒪᒃᑯᐊᓕᒫᑦ ᐱᑦᔪᑎᒋᑦᓱᒋᑦ, ᓄᓇᕕᐅᑉ ᒥᕐᖑᐃᓯᕐᕕᖏᑦ ᐱᕕᑦᓴᖃᕐᑎᓯᒍᒪᕗᑦ ᐃᓕᑦᓯᓂᒃ ᑕᒪᑦᓱᒥᖓ ᐅᑭᐅᒃᑯᑦ ᐊᓕᐊᓇᕐᓂᐹᖁᑎᒋᔭᐅᔪᓂᒃ.

“ᓄᓇᒦᒋᐊᒥᒃ ᐅᑭᐅᖑᑎᓪᓗᒍ ᐃᓕᓐᓂᒃ ᐃᓄᑐᐃᓐᓇᐅᑎᑦᓯᓂᕐᒥᒃ ᐃᑉᐱᒍᓯᓕᕐᑎᓯᒍᓐᓇᑐᖅ,” ᖃᐅᔨᑎᑦᓯᒋᐊᕐᑐᖅ ᑐᒃᑐ. “ᓄᓇᑕᖓ ᐊᑦᔨᐅᖏᑦᑐᓚᕆᐅᕗᖅ ᐊᒻᒪᓗ ᐅᐱᒍᓱᓕᕐᓇᒪᕆᑦᓱᓂ. ᑕᓯᐅᔭᖅ ᐊᒻᒪᓗ ᑲᖏᕐᓲᑉ ᖁᐊᕐᓯᒪᓕᕐᓂᖓ, ᓇᒧᑐᐃᓐᓇᓯᐊᖅ ᐁᒍᓐᓇᕕᖃᑦᓯᐊᑐᒍᑦ ᕈᒪᔪᕐᓱᓯᐊᕐᓗᑕ, ᑌᑯᖓᓗ ᐅᐱᕐᖔᑯᑦ ᐅᐸᕐᖃᔭᕋᔭᖕᖏᑕᕗᓐᓄᑦ.”


© Véronique Nadeau

ᑕᒡᒐᓂ ᐅᑭᐅᒥ ᒪᙯᖕᖑᐊᑎᑦᓯᓂᐅᓚᖓᔪᖅ ᑐᕌᕐᓂᖃᕐᑐᖅ ᑯᐯᒃᒥᐅᑦ ᐊᓕᓱᖕᖑᐊᕈᓐᓇᓂᖏᓐᓄᑦᖓ ᖃᐅᔨᒍᒪᓂᖃᓪᓚᕆᑦᑐᓄᑦ ᐱᐅᓯᑐᖃᖏᓐᓂᒃ ᐊᒻᒪᓗ ᖃᐅᔨᒍᒪᓂᖃᑦᓯᐊᑐᓄᑦ ᑯᐯᒃ ᑕᕐᕋᖓᓂᒃᖃ ᖁᓕᐅᖕᖏᒐᕐᑐᑦ ᐅᓪᓗᐃᑦ ᐅᖓᑖᓄᑦ ᐃᓚᖃᕐᑎᑕᐅᓗᑎᑦ ᐱᓇᓱᖃᑎᒌᑦᑐᓂᒃ ᐃᓄᓐᓂᒃ ᑕᓯᐅᕐᑎᓂᒃᖓ ᐳᓛᕆᐊᕐᓯᒪᔪᑦ ᕿᒥᕐᕈᒍᓐᓇᓂᖃᓚᖓᔪᑦ ᐅᑭᐅᕐᑕᑑᑉ ᓄᓇᑐᐃᓐᓇᖓᓂᒃᖓ ᐊᑉᐱᓯᒪᔪᓂᒃ ᖃᕐᙯᑦ ᖄᖏᓐᓂᒃᖓ ᑕᑯᒥᓇᕐᑐᔪᐊᓂᒃ ᓄᓇᓂᒃ, ᐃᓚᐅᑎᓪᓗᒋᑦ ᐱᐅᓯᑐᖃᕐᑎᒍᑦ ᓂᕿᑐᐃᓐᓀᑦ ᐊᒻᒪᓗ ᓱᖃᑦᓯᑎᑦᓯᓂᐅᔪᐃᑦ. ᐊᑑᑎᓂᖃᓕᕈᑎᑦ ᓯᐊᕐᕆᔭᐅᑎᑯᑖᓂᒃ, ᓯᑭᑑᒃᑯᑦ ᐊᒻᒪᓗ ᑕᓪᓗᑰᕐᑎᓯᓂᒃᑯᑦ, ᐳᓛᕆᐊᕐᓯᒪᔪᑦ ᖃᐅᔨᒋᐅᒐᔭᕐᑐᑦ ᓄᓇᐅᑉ ᐊᖏᔪᐊᓘᓂᖓᓂᒃ, ᓱᓇᑐᐃᓐᓇᑕᖃᕐᓂᖓᓂᒃ ᐊᒻᒪᓗ ᐅᐱᒍᓱᓕᕐᓇᓂᖓᓂᒃ ᑯᐯᒃ ᐊᖏᓂᕐᐹᖁᑎᒋᔭᖓ ᒥᕐᖑᐃᓯᕐᕕᒃ. ᐊᑑᑎᔭᐅᒍᓐᓇᑐᑦ ᐃᑉᐱᒋᔭᖃᕋᓱᐊᓗᐊᖕᖑᐊᑐᑦ ᐱᐅᓯᑐᖃᐅᑉ ᐃᓅᒍᓯᖏᓐᓂᒃ ᐊᒻᒪᓗ ᐃᓚᒋᔭᐅᑎᑦᓯᓱᓂ ᐊᑕᐅᓯᕐᒥᒃ ᐅᓐᓄᐊᒥᒃ ᐃᓪᓗᕕᒐᕐᒦᑎᑦᓯᓂᕐᒥᒃ, ᒪᕐᕉᓂᒃ ᐅᓐᓄᐊᓂᒃ ᑐᐱᑐᖃᑦᓴᔭᕐᒦᑎᑦᓯᓂᕐᒥᒃ, ᐊᒻᒪᓗ ᐱᖓᓱᓂᒃ ᐅᓐᓄᐊᓂᒃ ᐅᓪᓗᒥᓂᑕᐅᔭᑦᓴᔭᕐᓂᒃ ᑐᐱᕐᒦᑎᑦᓯᓂᕐᒥᒃ, ᐃᓚᒋᔭᐅᑎᓪᓗᒋᑦ ᑲᑎᒪᓂᐊᕈᓯᖃᕐᑎᓯᓃᑦ ᐃᓄᐃᑦ ᖃᐅᔨᒪᔭᖏᓐᓂᒃ ᐊᒻᒪᓗ ᐱᐅᓯᑐᖃᖏᓐᓂᒃ.

Don't hesitate, contact us for more details !


© Gilles Boutin  

ᑯᐯᒃᑯᑦ ᐊᖏᓂᕐᐹᖓᑦ ᒥᕐᖑᐃᓯᕐᕕᒃ ᑐᖕᖓᓱᑎᓯᓕᕐᒥᔪᖅ ᐳᓛᕆᐊᕐᑎᓂᒃ ᐊᓕᐊᓱᖕᖑᐊᒋᐊᕐᑐᑎᑦᓯᒍᓐᓇᓂᕐᒥᓂᒃ ᐅᑭᐅᒃᑯᑦ: ᐅᑭᐅᓕᒫᒥᒃ ᐃᓄᐃᑦ ᐊᓕᐊᒋᓂᕐᐹᖓᑦ.

Tursujuqmenu-black