Nunavik Parks: For Outdoor Adventure and SportsNunavik Parks: For Outdoor Adventure and SportsBanff Mountain Film Festival Picture1/2/2017 5:00:00 AM

ᒋᐊᕐᑎᑕᐅᓯᒪᑦᓱᓂ ᖃᕐᖄᓗᖏᓐᓂ Banff, ᑖᓐᓇ ᑕᑯᓐᓇᕋᑦᓴᓯᐊᒍᓂᕐᐹᓂᒃ ᐊᑦᔨᓕᐅᓕᐅᑎᓂᖅ ᐊᑑᑎᑎᑕᐅᓯᒪᓂᖃᓕᕐᑐᖅ ᐊᕐᕌᒍᓂ 30-ᓂ. 100-ᓪᓗᐊᖏᑦ ᐱᐅᓂᕐᐹᑦ ᑎᒍᔭᐅᓲᑦ. ᑕᑯᓐᓇᕋᑦᓴᑖᕐᑎᓯᓂᑎᒍᑦ ᑕᑯᑦᓴᐅᒍᓐᓇᑎᑦᓯᒍᑕᐅᓲᖅ ᐊᓕᐊᓇᕐᑐᓂᒃ ᑕᑯᒍᒥᓇᕐᑐᓂᒃ ᑕᑯᓐᓇᓂᖃᕐᑎᓯᓂᐅᑦᓱᓂ, ᐅᓂᒃᑳᑐᓂᓪᓗ ᐊᒻᒪᓗ ᓄᓇᐅᑉ ᐃᓇᖁᓇᕐᓂᖏᑦ ᑕᑯᔭᐅᒍᓐᓇᓯᑦᓱᑎᒃ. ᑯᐯᒻᒥ, ᐊᓕᐊᒋᔭᐅᒻᒪᕆᑦᑐᖅ ᕿᒥᕐᕈᖑᐊᓕᐅᕐᕕᒃ Espaces ᓇᓪᓕᑳᕐᐸᑎᓪᓗᒍ ᐱᒻᒪᕆᑎᒍᑦ ᓄᐃᑎᕆᕕᒃ ᐊᑦᔨᓕᐊᒍᓯᒪᔪᓂᑦ 24-ᓂ ᓄᓇᕐᓚᓂ ᐊᕐᕕᑕᕐᑎᑕᐅᓚᕿᔪᓂᑦ. “Espaces ᐅᐱᒪᒋᔭᖃᕐᐳᖅ ᐱᕙᓪᓖᑎᑦᓯᒋᐊᕆᐊᒥᒃ ᐱᐅᓂᖏᓐᓂᒃ ᑖᒃᑯᐊ ᑎᒥᑎᒍᑦ ᐱᖕᖑᐊᑐᑦ ᐊᒻᒪᓗ ᐅᖄᔭᐅᓂᖏᑦ ᑕᑯᓐᓇᕋᑦᓴᑎᒍᑦ," ᓚᓚᐅᕐᑐᖅ ᔅᑎᐊᕓᓐ ᑯᐊᕐᐯ, ᑐᑭᒧᐊᑦᑎᓯᔨᖓ ᑯᐯᒻᒥ ᑕᑯᓐᓇᕋᑦᓴᓂᒃ ᐊᕐᕕᑕᕐᑎᓯᓂᐅᑉ. ᓄᓇᕕᒻᒥ ᒥᕐᖑᐃᓯᕐᕖᑦ ᐊᓕᐊᑦᑐᖅ ᐃᓚᐅᑎᑦᓯᕙᒃᑲᒥ ᑖᒃᑯᓄᖓ ᐱᓇᓱᐊᖃᑎᒌᓄᑦ ᑐᓂᕐᕈᓯᒍᑕᐅᔪᓄᑦ ᐃᓅᓯᑦᓯᐊᒍᓂᖏᓐᓄᑦ ᓯᓚᒦᖕᖑᐊᓃᑦ ᐊᒻᒪᓗ ᑲᔪᖏᕐᑐᑕᐅᓚᖀᒍᑕᐅᔪᓂᒃ ᐅᕙᑦᑎᓂᓕᒫᖅ ᑕᑯᔭᕐᑐᕈᒪᓚᕿᑦᓱᒋᑦ ᐃᓇᖁᓇᕐᓂᖓᓂᒃ ᐊᓐᓂᓇᕐᓂᖓᓂᒃ ᑯᐯᑉ ᑕᕐᕋᖓᑕ. ᑯᐯᓕᒫᒥ, ᓄᓇᖁᑎᐅᔪᓂ ᒥᕐᖑᐃᓯᕐᕖᑦ ᑐᓱᓐᓇᓂᕐᐸᐅᑎᓗᒋᑦ ᓯᓚᒥ ᓱᖃᑦᓯᕕᒋᒍᒥᓇᕐᓂᒥᒍᑦ. Banff Mountain Film Festival ᓄᐃᑕᑦᓯᐊᓂᕐᐸᐅᓕᕋᑕᕐᑐᖅ ᑕᕝᕙᓂᖅ ᐊᕐᕌᒍᒥ, ᓯᕗᓪᓕᐹᑦᓯᐊᒥ, ᑰᑦᔪᐊᑉ ᑲᕙᒫᐱᖓ, ᓄᓇᕕᒻᒧᑦ ᐊᐅᓚᑦᓯᓂᕐᓄᑦ ᑐᑦᑕᕕᒋᔭᐅᔪᖅ, ᑯᐯᒻᒥ ᐊᕐᕕᑕᕐᓂᖃᓕᕐᐸᑦ ᐃᓚᐅᓛᓕᕐᒪᑦ. ᓄᓇ ᕿᑎᖓᓃᒻᒪᑦ ᐃᓄᐃᑦ ᐃᓗᒡᒍᓯᖓᑕ, ᑖᓐᓇ ᐊᑦᔨᓕᐅᓕᐅᑎᓂᐅᑉ ᐃᓂᒋᓛᕐᑕᖓ ᑐᕌᒐᖃᕐᐳᖅ ᐱᕙᓪᓖᒋᐊᕐᓂᒥᒃ ᓄᓇᕕᐅᑉ ᐃᓄᖏᑦᑕ ᐊᓕᐊᒋᔭᖃᒻᒪᕆᓐᓂᖏᓐᓂᒃ ᓯᓚᒦᒋᐊᒥᒃ ᐊᒻᒪᓗ ᑲᔪᖏᕐᑐᐃᓂᖃᕐᓱᑎᒃ ᑕᑯᔭᕐᑐᕈᒪᔪᓂᒃ ᐃᓚᐅᕙᖁᑦᓱᒋᑦ ᓄᓇᕕᒻᒥ ᒥᕐᖑᐃᓯᕐᕖᑦ ᐊᑑᑎᒍᑎᑦᓴᑕᖏᓐᓂᒃ ᐆᑦᑐᕋᖕᖑᐊᕆᐊᕐᑐᐸᖁᑦᓱᒋᑦ. ᑐᕌᕐᑕᐅᓚᕆᑦᑎᓗᒋᑦᑕᐅᖅ ᐅᕕᒃᑫᑦ. "ᓄᓇᕕᒻᒥ ᒥᕐᖑᐃᓯᕐᕕᓂ, ᐅᑉᐱᕆᔭᖃᕐᑐᒍᑦ ᐅᕕᒃᑫᑦ ᖃᐅᔨᒍᒥᓕᐅᒥᓲᒍᓂᖏᓐᓂᒃ ᓄᓇᒥᒃ ᐅᕕᒃᑲᐅᓂᕐᒥᓂᓗ ᑌᒣᓚᕿᒍᓐᓇᓂᕐᓴᐅᓱᑎᒃ. ᓯᓚᒦᖕᖑᐊᓱᑎᒃ ᐊᓕᐊᓇᕐᑐᑰᕐᓯᒪᓗᑎᒃ, ᐅᕕᒃᑫᑦ ᐁᕕᖃᑲᑦᑕᕈᒪᓚᕿᒐᔭᕐᑐᑦ ᓄᓇᑦᑎᓂ ᒥᕐᖑᐃᓯᕐᕕᑎᓂᒃ ᐊᒻᒪᓗ ᓄᓇᒥᒃ ᖃᐅᔨᓴᕐᓗᑎᒃ," ᑌᒫᒃ ᑐᑭᓯᑎᑦᓯᓚᐅᕐᑐᖅ ᓗᓯᐊᓪ ᑐᕈᐃᓄ, ᓂᐅᕕᕐᑎᓂᒃ ᑭᒡᒐᑐᕐᓂᓂᒃ ᑲᒪᔨ ᓄᓇᕕᐅᑉ ᒥᕐᖑᐃᓯᕐᕕᖏᓐᓂ.

 
 
Pictures © Banff Mountain Film Festival

ᐊᕐᕌᒍᒥ ᐱᖓᔪᒋᓕᕐᑕᖓᓂ, ᓄᓇᕕᒻᒥ ᒥᕐᖑᐃᓯᕐᕕᓕᕆᓂᖅ ᐃᓚᖃᓛᓕᕐᒥᔪᖅ Banff Mountain Film Festival ᐊᑦᔨᓕᐅᓕᐅᑎᓂᕐᒧᑦ ᑯᐯᒻᒥ ᓯᓚᒦᖕᖑᐊᕈᒪᔪᓂᒃ ᖃᐅᔨᓵᕆᐅᑎᐅᑎᓗᒍ. ᐊᕐᕌᒍᑕᒫᑦ, ᑳᓇᑕᒥ ᑕᑯᓐᓇᕋᑦᓴᓕᐅᑦᓯᐊᓕᐅᑎᑎᑦᓯᓂᖅ ᓇᓪᓕᑳᕐᕕᐅᕙᑦᑐᖅ, 300 ᐅᖓᑖᓅᕐᑐᓂᒃ ᐊᑦᔨᓕᐊᕕᓂᕐᓂᒃ ᐁᑦᑐᑕᐅᕕᐅᕙᑦᓱᓂ, ᐊᑦᔨᓕᐅᕆᔨᓪᓚᕆᐅᖕᖏᑐᑦ ᐊᒻᒪᓗ ᐊᑦᔨᓕᐅᕆᔨᓪᓚᕇᑦ mountain ᐊᒻᒪᓗ adventure ᐊᑦᔨᓕᐅᕐᑕᐅᓯᒪᔪᑦ ᑕᑯᑦᓴᐅᑎᑕᐅᕙᑦᑎᓗᒋᑦ 40-ᓂ ᓄᓇᕐᓚᓂ. 2016-ᒥ, 20,000 ᐱᔪᑦᓴᐅᔮᓚᕿᔪᑦ ᓯᓚᒦᖕᖑᐊᓚᕿᓯᒪᔪᑦ ᐊᒻᒪᓗ ᑎᒥᒥᒍᑦ ᐱᖕᖑᐊᕕᖃᕆᐊᕐᑐᓱᑎᒃ ᐱᒐᓱᐊᒻᒪᕆᓐᓇᓂᕐᐹᓂᒃ.

Pingualuit;Kuururjuaq;Tursujuq;Ulittaniujalik