Fifteenth anniversary for Nunavik Parks Fifteenth anniversary for Nunavik Parks 11/2/2019 5:00:00 AM

​​

​​The crater Pingaluk, Parc nartional des Pingualuit

ᒥᕐᖑᐃᓯᕐᕕᖓ ᐱᖑᐊᓗᐃᑦ ᒥᕐᖑᐃᓯᕐᕕᕈᕐᑎᑕᐅᓐᓂᖁᖅ 2004ᒥ, ᑎᓕᔭᐅᒪᒍᑎᖓ ᑖᑦᓱᒪ ᓯᕗᓪᓕᐹᑦᓯᐊᖅ ᒥᕐᖑᐃᓯᕐᕕᒃ ᐅᑭᐅᕐᑕᑐᒥ ᓄᓇᖁᑎᖓᓂ ᓴᐳᒻᒥᓗᓂ ᐊᑦᔨᖃᖕᖏᑐᒥᒃ ᓄᓇᒥ, ᐱᖑᐊᓗᐃᑦ ᑕᓯᖓᓂᒃ, ᑕᑯᓂᐊᕐᑕᐅᒍᓐᓇᓯᓗᓂᓗ. ᐃᓚᐅᓂᖏᑦ ᓄᓇᓕᒻᒥᐅᑦ ᓴᐳᒻᒥᔭᐅᓂᕐᒧᑦ, ᐱᕙᓪᓕᐊᑎᑕᐅᓂᖓᓄᑦ ᐊᐅᓚᑕᐅᓂᖓᓄᓗ ᓄᓇᕕᒻᒥ ᒥᕐᖑᐃᓯᕐᕕᖏᓐᓂᑦ ᐃᓚᐅᓪᓚᕆᒃᑯᑦ ᐱᓇᓱᑦᑕᐅᔪᒥ ᐱᒋᐊᓕᕐᓂᒪᓂᑦ. ᓯᕗᓪᓕᖏᓐᓂ ᐊᕐᕌᒍᓂᑦ ᖁᓕᓪᓗ ᑕᓪᓕᒪᓪᓗᓂᑦ, ᓄᓇᕕᒻᒥ ᒥᕐᖑᐃᓯᕐᕕᖏᑦ ᑐᓂᒪᑦᓯᐊᓂᕐᖁᑦ ᒥᕐᖑᐃᓯᕐᕕᓕᐅᕐᑎᓗᒋᑦ ᐱᖓᓱᒋᐊᓪᓚᓂᒃ ᑯᐯᒃᒥ ᒥᕐᖑᐃᓯᕐᕕᓂᑦ ᐊᒻᒪᓗ ᒪᕐᕉᓂᒃ ᒥᕐᖑᐃᓯᕐᕕᓵᓐᓂᒃ. ᐱᖑᐊᓗᐃᑦ, ᑰᕈᕐᔪᐊᖅ, ᑐᕐᓱᔪᖅ ᐊᒻᒪᓗ ᐅᓕᑦᑕᓂᐅᔭᓕᒃ ᓄᓇᖁᑎᖏᑦ 37 000 ᑭᓛᒥᑕᓂᒃ ᓯᒃᑭᑕᓪᓗᐊᓂᒃ ᐊᖏᓂᖃᕐᖁᑦ ᑲᑎᑦᓱᑎᑦ ᓴᐳᒻᒥᓱᑎᒃ ᓄᓇᕕᐅᑉ ᓄᓇᖁᑎᖏᓐᓂᑦ ᐃᓗᕐᖁᓯᒧᓗ ᐱᒻᒪᕆᖁᑎᒋᔭᐅᔪᓂᑦ. ᑌᒪ, ᐊᑐᓂ ᒥᕐᖑᐃᓯᕐᕖᑦ ᓄᐃᓯᒪᕗᑦ ᑲᑐᑦᔨᖃᑕᐅᑦᓯᐊᓂᖏᓐᓄᑦ ᖃᓂᑕᕆᔭᐅᓂᕐᐹᖑᔪᑦ ᓄᓇᓖᑦ, ᓴᐳᒻᒥᒍᓐᓇᓯᑦᓱᑎᑦ ᓄᓇᖁᑎᖏᓐᓂᑦ ᑕᒪᒋᓐᓂ ᓄᓇᖓᓂᒃ ᐃᓗᕐᕈᓯᒧᓕᖓᔪᓂᓗ. ᐅᓪᓗᒥ, ᓄᓇᕕᒻᒥ ᒥᕐᖑᐃᓯᕐᕕᖏᑦ ᑌᑦᓱᒪᓂᑕᕐᒥᒃ ᑐᖕᖓᓱᑦᑎᓯᓂᕐᒥᓗ ᖃᓐᑕᓕᕐᕿᑖᓂᑦ ᐳᓚᕋᕐᕕᐅᓲᖑᕗᑦ ᐊᕐᕌᒍᑕᒫᑦ ᐊᑦᔨᖃᖕᖏᑐᒥᒃ ᐃᓗᕐᕈᓯᒥᒃ ᑕᑯᑦᓱᑎᑦ ᐊᒻᒪᓗ ᐊᑦᔨᖃᖕᖏᑐᓂᑦ ᐊᑑᑎᑦᓱᑎᑦ ᐃᓂᖁᓇᕐᑐᔪᐊᒥ ᓄᓇᒦᑦᓱᑎᑦ. ᓇᑯᕐᒦᒃ ᐱᓇᓱᑦᑏᑦ ᑐᓂᒪᑦᓯᐊᒪᑕ, ᐱᕕᑦᓴᖃᑦᓯᐊᑐᖅ ᐃᓅᓱᑦᑐᓄᑦ, ᐃᓄᑐᖃᕐᓄᑦ ᒥᕐᖑᐃᓯᕐᕕᒥᓗ ᐱᓇᓱᑦᑎᓄᑦ ᐃᑲᔪᕐᓯᓗᑎᑦ ᐊᓯᐅᑎᑦᑌᓕᓗᒍ ᐱᐅᓯᑐᖃᕐᑎᒍᑦ ᐱᒍᓐᓇᓂᕐᓂᑦ ᐅᓂᒃᑲᐅᓯᕐᓂᓗ ᑕᑯᔭᐅᑎᑦᓯᓂᒃᑯᑦ.

ᐊᓕᐊᓱᒍᑎᖃᓛᕐᖁᒍᑦ ᕕᕈᐊᕆ 11ᒥ, ᑰᑦᔪᐊᒥ ᓄᓇᕕᒻᒥ ᒥᕐᖑᐃᓯᕐᕕᖏᓐᓂ ᐱᓇᓱᑦᑎᓕᒫᖏᑦ ᑲᑎᒋᐅᓛᕐᑐᑦ ᐊᕐᕌᒍᓂᑦ 15ᓂᓂᑦ ᓯᕗᓪᓕᐹᑦᓯᐊᒥ ᐱᓇᓱᐊᕈᓯᓕᒫᒥ ᑲᑎᒪᓂᕐᔪᐊᖃᕐᓗᑎᑦ, ᐃᓕᓐᓂᐊᓗᑎᑦ ᑲᑎᒪᓂᐊᕈᓯᖃᕐᓗᑎᓗ, ᕕᕈᐊᕆ 12ᒥ ᐅᓪᓗᖁᑎᖃᓛᕐᑐᑦᐃᓄᐃᑦ ᐃᓚᐅᓪᓚᕆᑦᑐᕕᓃᑦ ᒥᕐᖑᐃᓯᕐᕕᓕᐅᕐᓂᓂ ᓄᐃᑕᑎᑦᓯᓂᕐᒥᓗ ᓄᓇᕕᒻᒥ ᒥᕐᖑᐃᓯᕐᕕᖏᓐᓂᑦ, ᐆᒪᔪᓕᕆᓂᖅ, ᓇᐹᕐᑐᓕᕆᓂᖅ, ᒥᕐᖑᐃᓯᕐᕕᓂᓗ ᒥᓂᔅᑕᖓ ᐃᓚᐅᔪᕕᓃᓪᓗ ᑰᑦᔪᐊᒥ ᐅᑭᐅᕐᑕᑐᒥ ᓄᓇᓕᖓᓂ ᐊᒻᒪᓗ ᓄᓇᒥᒃ ᑎᒍᒥᐊᕐᑏᑦ ᐃᓚᐅᒻᒥᑎᓪᓗᒋᑦ ᐅᕙᑦᑎᓄᑦ ᒪᑭᕝᕕᒃᑯᑦ ᓇᐅᓕᒫᓂᒃ ᙯᖁᔨᓯᒪᑎᓪᓗᑕ ᓄᓇᓕᐅᑉ ᑲᑎᑦᑕᕕᖓᓂ. ᐊᕐᕌᒍᓕᒫᒥ ᓱᒐᓚᑦᑎᑕᐅᖃᑦᑕᓛᕐᑐᑦ ᒥᕐᖑᐃᓯᕐᕕᓂ ᑐᖕᖓᓱᑦᑎᓯᓗᑎᓗ ᓄᓇᓕᒻᒥᐅᓂᑦ ᐊᓕᐊᓱᒍᑎᖃᕐᓗᑎᑦ 15ᓂᒃ ᐊᕐᕌᒍᕐᑕᓂᖏᓐᓂᑦ ᓄᓇᕕᒻᒥ ᒥᕐᖑᐃᓯᕐᕕᖏᑦ ᓄᓇᕕᓕᒫᒥ.

ᑕᐅᓴᓐ ᐅᖓᑖᓂᑦᑐᑦ ᐳᓚᕋᕐᑏᑦ ᑕᑯᖃᑦᑕᓯᒪᒻᒪᑕ ᐊᕐᕌᒍᓚᐅᕐᑐᓂᑦ 15ᓂᑦ ᐊᓂᒍᕐᑐᓂᑦ, ᑕᑯᒋᐊᕐᑐᕆᑦ ᐃᓄᐃᑦ ᐃᓗᕐᕈᓯᖓᓂᒃ ᑐᖕᖓᓇᕐᓂᖓᓂᒃ ᓄᓇᕕᒻᒥ ᒥᖕᖑᐃᓯᕐᕕᖏᓐᓂ.

 

​​​Bobby Tooktoo and Joshua Sala, Parks wardens at Parc national Tursujuq

 

​​​​​Peak Pyramid and the George River, Parc national Ulittaniujalik

 

​​​​Trekking in the Torngat Mountains, Parc national Kuururjuaq 

​​​​​

​15 ᐊᕐᕌᒍᐃᑦ ᑭᖑᓂᐊᒍᑦ ᓯᕗᓪᓕᐹᒥ ᒥᕐᖑᐃᓯᕐᕕᓕᐅᕐᑐᕕᓂᐅᑎᓪᓗᒋᑦ ᓄᓇᕕᒻᒥ, ᒥᖕᖑᐃᓯᕐᕕᖓᓂ ᐱᖑᐊᓗᐃᑦ, ᐅᐱᒍᓱᒃᑯᒍᑦ 36 994.5 ᑭᓛᒥᑕᓂᒃ ᓯᒃᑭᑕᓪᓗᐊᓂᒃ ᐊᖏᓂᖃᕐᒪᑕ 4 ᑯᐯᒃᒧᑦ ᒥᕐᖑᐃᓯᕐᕕᐅᔪᑦ, ᒪᕐᕉᒃ ᒥᕐᖑᐃᓯᕐᕕᓵᒃ ᐊᒻᒪᓗ 80 ᐅᖓᑖᓂ ᐱᓇᓱᑦᑏᑦ ᓄᓇᓕᒻᒥᓃᑦᓱᑎᑦ ᐃᑲᔪᕐᓯᔪᑦ ᐊᕐᕌᒍᓕᒫᑉ ᐃᓗᐊᓂ ᑲᔪᓯᑎᑦᓯᖃᑕᐅᔪᑦ ᑎᓕᔭᐅᒪᒍᑎᕗᓐᓂᑦ. ᓇᑯᕐᒦᒪᕆᐊᓗᒃ ᐃᓘᓐᓇᓯ ᑖᑦᓱᒥᖓ ᐊᑑᑎᓚᕿᒍᓐᓇᓯᑎᑦᓯᔪᓯ. ​

Pingualuit;Kuururjuaq;Tursujuq;Ulittaniujalikmenu-black