Promoting Travels to the Parks for Inuit from Nunavik with NPBAIPromoting Travels to the Parks for Inuit from Nunavik with NPBAI24/3/2017 4:00:00 AM

ᑐᕌᕐᓂᖃᕐᓱᑎᒃ ᓯᕗᓪᓕᐹᒥ ᓯᕗᓪᓕᐸᐅᑎᑦᓱᒋᓪᓗ ᓱᒃᑯᑕᐅᑎᑦᓯᑌᓕᓂᕐᒥᒃ ᓄᓇᓂᒃ, ᑲᓇᑕᒥ ᒥᕐᖑᐃᓯᕐᕖᑦ ᐃᓅᓯᕐᒥ ᐱᐅᓯᐅᒥᑎᑦᓯᓂᕐᒥᒃ ᐃᑲᔪᕐᓯᒪᓚᖓᒻᒥᒪᑕ. ᒥᕐᖑᐃᓯᕖᑦ ᐱᐅᓂᕐᐹᓯᐊᒍᒻᒪᑕ ᓄᓇᖏᑦ ᓇᔪᕆᐊᖏᑦ ᐊᑦᑐᑕᐅᒻᒣᑐᐃᑦ ᐊᒻᒪᓗ ᐱᕙᓪᓕᐊᓂᑎᒍᑦ ᑮᓇᐅᔭᕐᑎᒍᑦ ᒪᑭᑕᒐᓱᐊᕐᓂᒧᑦ ᐊᑦᔨᐅᖏᑦᑐᑎᒍᑦ ᖃᐅᔨᒪᒍᑕᐅᓲᒍᒻᒥᒪᑕ ᐊᑦᔨᒋᖏᑐᓂ ᓄᓇᕐᔪᐊᓂ ᑯᐯᒻᒥ. ᐃᓄᓐᓄᓕ, ᑲᓇᑕᒥ ᒥᕐᖑᐃᓯᕐᕖᑦ ᓄᓇᕕᒻᒥ ᓄᓇᒋᔭᐅᕗᑦ ᐱᐅᓯᑐᖃᕐᒥᓂᒃ ᐊᑑᑎᓲᒥᓂᒃ ᑲᔪᓯᑎᑦᓯᕕᐅᑦᓱᑎᒃ. ᐊᑐᕐᑕᐅᓯᐊᖁᓗᒋᑦ ᐱᔪᓐᓇᕕᓕᒫᖏᓐᓄᑦ ᑕᒪᒃᑯᐊ ᓄᓀᑦ ᐃᓄᓐᓄᑦ, ᓄᓇᕕᒻᒥ ᒥᕐᖑᐃᓯᕐᕖᑦ ᐊᑐᐃᓐᓇᖃᕐᑎᓯᒍᒪᕗᑦ ᑮᓇᐅᔭᑎᒍᑦ ᐃᑲᔪᕐᓯᒪᓚᖓᓗᑎᒃ ᔦᒥᔅ ᐯ ᑯᐯᒃ ᑕᕐᕋᖓᑕ ᐊᖏᖃᑎᒌᓐᓂᖓᓂ ᐱᕙᓪᓕᖁᑎᑖᕐᑕᓲᓂ, ᓇᓂᒥᐅᒍᒐᓗᐊᕐᐸᑕ ᓄᓇᓕᒻᒥ ᓄᓇᕕᒻᒥ. ᓄᓇᕕᒃ ᒥᕐᖑᐃᓯᕐᕕᓂ ᐱᕙᓪᓕᖁᑎᑖᕐᑕᓲᓂ ᐱᔪᑦᓴᐅᔮᕐᑎᓯᔪᑦ ᒪᕐᕈᐃᓗᐊᖕᖑᐊᓂ ᐱᕕᑦᓴᖃᕐᑎᓯᓗᑎᒃ: ᐊᑭᑭᓪᓕᒋᐊᕐᓗᒋᑦ ᐊᑭᖏ ᐊᐅᓚᒍᑎᖏᓪᓗ ᓇᓕᑭᓪᓕᒋᐊᕐᓗᒋᑦ.

ᓯᕗᓪᓕᐹᒥ ᑌᔭᐅᔪᒥ, ᔦᒥᔅ ᐯ ᑯᐯᒃ ᑕᕐᕋᖓᑕ ᐊᖏᖃᑎᒌᓐᓂᖓᓂ ᐱᕙᓪᓕᖁᑎᑖᕐᑕᓲᑦ 50-ᐳᓴᒧᑦ ᐊᑭᑭᓪᓕᒋᐊᕐᑕᐅᓚᖓᑎᓪᓗᒍ ᐊᐅᓚᑕᐅᓚᖓᔪᑦ ᐱᒍᑦᔨᓃᓪᓗ ᐊᑐᐃᓐᓇᐅᑎᑕᐅᔪᑦ ᓄᓇᕕᒻᒥ ᒥᕐᖑᐃᓯᕐᕕᓂ. ᑕᒪᓐᓇ ᓯᕗᓪᓕᐅᑎᑕᐅᒻᒥᔪᖅ ᐊᑭᖃᓚᖓᖕᖏᑑᑎᓪᓗᒍ ᒥᕐᖑᐃᓯᕐᕕᓂ ᐊᑐᐃᓐᓇᐅᑎᑕᐅᓂᖓ ᐊᑐᕐᑕᐅᒍᓐᓇᓲᖅ ᔦᒥᔅ ᐯ ᑯᐯᒃ ᑕᕐᕋᖓᑕ ᐊᖏᖃᑎᒌᓐᓂᖓᓂ ᐱᕙᓪᓕᖁᑎᑖᕐᑕᓲᓄᑦ ᒪᓕᑦᓱᑎᒃ ᑯᐯᒃ ᒥᕐᖑᐃᓯᕐᕖᑦ ᐱᖁᔭᖓᓂ.

ᐁᑉᐸᖓ ᓄᓇᕕᒃ ᒥᕐᖑᐃᓯᕐᕕᓂ ᐱᕙᓪᓕᖁᑎᑖᕐᑕᓲᓂ ᐱᔪᑦᓴᐅᔮᕐᑎᓯᒍᑎᖓ ᐃᑲᔪᕐᓯᓂᖓ ᐊᕐᕕᑕᕐᑐᓂᒃ ᒥᕐᖑᐃᓯᕐᕕᓄᑦ. ᑕᒪᑐᒪᐅᑉ ᐃᓱᐊᓄᑦ, ᓄᓇᕕᒃ ᒥᕐᖑᐃᓯᕐᕕᓂ ᐱᕙᓪᓕᖁᑎᑖᕐᑕᓲᓂ ᐱᔪᑦᓴᐅᔮᕐᑎᓯᒍᑏᑦ ᐅᑎᕐᑎᓯᒐᔭᕐᑐᑦ ᑎᒻᒥᔫᕈᑎᓂᒃ ᐊᑭᓖᒍᑎᕕᓂᕐᓂᒃ.

 

ᐃᓕᓵᑦ, ᐅᕕᒐᕐᑐᐃᑦ, ᐃᓄᑐᙯᑦ ᐅᕝᕙᓗᓐᓃᑦ ᔦᒥᔅ ᐯ ᑯᐯᒃ ᑕᕐᕋᖓᑕ ᐊᖏᖃᑎᒌᓐᓂᖓᓂ ᐱᕙᓪᓕᖁᑎᑖᕐᑕᓲᑦ ᐊᕐᕕᑕᕈᒪᒐᔭᕐᑐᑦ ᑲᓇᑕᒥ ᒥᕐᖑᐃᓯᕐᕕᓄᑦ ᓄᓇᕕᒻᒥ ᑕᒪᑐᒥᖓ ᐃᑲᔪᕐᓯᔭᐅᒍᑎᖃᕋᔭᕐᑐᑦ ᓄᓇᕕᒃ ᒥᕐᖑᐃᓯᕐᕕᓂ ᐱᕙᓪᓕᖁᑎᑖᕐᑕᕈᑎᓂᒃ. ᐊᒻᒪᓗᒋᐊᓪᓚᒃ ᐱᒍᑦᔨᓃᑦ ᐊᑭᖃᖕᖏᑑᑎᑕᐅᔪᑦ ᒥᕐᖑᐃᓯᕐᕕᓄᑦ (ᑲᒪᔩᑦ, ᐱᐅᒃᒍᑏᑦ, ᐃᖏᕐᕋᐅᑏᑦ) ᑖᒃᑯᐊ ᑕᒪᒃᑯᓄᖓ ᐊᕐᕕᑕᖃᑦᑕᓚᖓᔪᑦ ᓱᓕᒋᐊᓪᓚᒃ 30-ᐳᓴᖏᑦ ᐅᑎᕐᑎᑕᐅᒐᔭᕐᑐᑦ ᑎᒻᒥᔫᒃᑯᑦ ᖃᖓᑦᑕᐅᑎᖏᑦ ᒥᕐᖑᐃᓯᕐᕕᓅᕐᑕᐅᔪᑦ ᓄᓇᓕᓐᓂ ᑲᖏᕐᓱᔪᐊᒥ, ᑲᖏᕐᓱᐊᓗᑦᔪᐊᒥ ᐅᒥᐅᔭᕐᒥᓗ (ᓈᒻᒪᓈᕐᑕᑐᓂᒃ ᑎᒻᒥᔫᓄᑦ ᑎᑭᑦᑕᕕᓐᓂᒃ) ᐊᒻᒪᓗ 40-ᐳᓴᒧᑦ ᐅᑎᕐᑕᐅᒐᔭᕐᑎᓗᒋᑦ ᑎᒻᒥᔫᒥᒃ ᐊᕐᕕᑕᕈᑏᑦ ᓵᑕᕐᑕᐅᔪᕕᓂᐅᑉᐸᑦ ᑎᒻᒥᔫᖅ ᐅᖑᒻᒪᑦ ᐅᑎᒧᓪᓗ.

ᑮᓇᐅᔭᖃᕐᑎᑕᐅᓗᓂ ᑮᓇᐅᔭᓕᐅᕈᑕᐅᖃᑦᑕᑐᓂᒃ ᓄᓇᕕᒻᒥ ᒥᕐᖑᐃᓯᕐᕕᓄᑦ, ᑐᕌᒐᖃᕐᐳᖅ ᓄᓇᕕᒃ ᒥᕐᖑᐃᓯᕐᕕᓂ ᐱᕙᓪᓕᖁᑎᑖᕐᑕᓲᑦ ᐅᓄᕐᓯᐅᒥᖁᑦᓱᒋᑦ ᑕᑯᓂᐊᕐᑐᑦ ᑳᓇᑕᒥ ᒥᕐᖑᐃᓯᕐᕕᓂ ᓄᓇᕕᒻᒥ. ᓄᓇᕕᒃ ᒥᕐᖑᐃᓯᕐᕕᓂ ᐱᕙᓪᓕᖁᑎᑖᕐᑕᓲᑦ ᓄᐃᑕᑎᑦᓯᕗᑦ ᐱᕕᑦᓴᓯᐊᕌᓗᒻᒥ ᐅᓄᕐᓯᕙᓪᓕᐊᑐᐃᓐᓇᖁᓗᒋᑦ ᒥᕐᖑᐃᓯᕐᕕᓂ ᑕᑯᓂᐊᕐᐸᑐᑦ, ᒪᕐᕈᕕᓪᓗᐊᓱᑎᒃ ᐅᓄᕐᓯᐅᒥᓚᐅᕐᒪᑕ 2015-ᒥ 2016-ᒥᓪᓗ.

 

ᖃᐅᔨᒋᐊᓪᓚᕈᒪᒍᕕᑦ, ᖃᐅᔨᒋᐊᒃᑲᓂᕈᓐᓇᐳᑎᑦ ᖃᐅᔨᒪᔨᒋᔭᐅᔪᓂᒃ ᒥᕐᖑᐃᓯᕐᕕᓂ ᑕᑯᓂᐊᕈᒪᔭᕐᓃᕕᑦ ᐅᕝᕙᓗᓐᓃᑦ ᐊᓪᓚᓗᑎᒃ ᖃᕆᑕᐅᔭᒃᑯᑦ ᐆᒧᖓ ᑐᕌᕈᑎᒧᑦ  info@parcsnunavik.ca.

 
© Vicky Barbant

 

ᐃᑲᔪᕐᓯᒪᔭᐅᑦᓱᑎᒃ ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᓄᑦ, ᓄᓇᕕᒃ ᒥᕐᖑᐃᓯᕐᕕᓂ ᐱᕙᓪᓕᖁᑎᑖᕐᑕᓲᓂ ᐱᔪᑦᓴᐅᔮᕐᑎᓯᔪᑦ ᐱᒋᐊᕐᑎᓯᓕᓚᐅᕆᕗᑦ ᕕᕈᐊᕆ 2017-ᒥ. ᑕᒪᑐᒪ ᑐᕌᒐᖓ ᓄᓇᕕᒻᒥ ᒥᕐᖑᐃᓯᕐᕕᓂ ᐱᕙᓪᓕᖁᑎᑖᕐᑕᓲᓂ ᐱᔪᑦᓴᐅᔮᕐᑎᓯᓂᖅ ᑲᔪᖏᕐᓭᓂᐅᕗᑦ ᐱᔭᕆᐊᑭᓪᓕᑎᕆᑦᓱᓂᓗ ᐊᕐᕕᑕᕐᓂᒥᒃ ᔦᒥᔅ ᐯ ᑯᐯᒃ ᑕᕐᕋᖓᑕ ᐊᖏᖃᑎᒌᓐᓂᖓᓂ ᐊᑦᔨᒌᖏᑐᓄᑦ ᑲᓇᑕᐅᑉ ᒥᕐᖑᐃᓯᕐᕕᖏᓐᓄᑦ ᓄᓇᕕᒻᒥ.

Pingualuit;Kuururjuaq;Tursujuq;Ulittaniujalikmenu-blue