RegulationsRegulationshttp://authoring.nunavikparks.ca

ᐱᔪᓐᓇᐅᑏᑦ

ᐊᑐᓂ ᐃᓄᒃ ᒥᕐᖑᐃᓯᕐᕕᒧᑦ ᐃᑎᕐᑐᖅ ᐅᕝᕙᓘᓐᓃᑦ ᓇᔫᑎᔪᖅ, ᐃᖏᕐᕋᔪᖅ ᐅᕝᕙᓘᓐᓃᑦ ᐃᓚᐅᔪᖅ ᓱᓇᓐᓂᐊᓂᕐᒧᑦ ᒥᕐᖑᐃᓯᕐᕕᐅᑉ ᐃᓗᐊᓂ ᑎᒍᒥᐊᕆᐊᓕᒃ ᐱᔪᓐᓇᐅᑎᒥᒃ ᒥᕐᖑᐃᓯᕐᕕᐅᑉ ᐊᖓᔪᕐᖄᖏᑦᑕ ᓄᐃᓯᒪᔭᖓᓂᒃ. ᐱᔪᓐᓇᐅᑏᑦ ᓄᐃᑕᐅᓲᑦ ᓱᓇᒥᑦᑐᓂᒃ ᐊᑭᓕᐅᑎᓂᒃ ᐊᑭᓖᒍᑕᐅᓚᐅᕐᑎᓗᒋᑦ ᑭᓯᐊᓂ.

ᑕᑯᓂᐊᕐᓗᓯ ᐃᖏᕐᕋᓯᖕᖏᓂᓯᓐᓂ, ᐊᓪᓚᑕᐅᒋᐊᖃᓚᖓᒻᒥᔪᓯ ᒥᕐᖑᐃᓯᕐᕕᒧᑦ ᐳᓛᕆᐊᕐᑐᑦ ᑐᑭᓯᓂᐊᕐᕕᖓᓄᑦ ᐃᑎᕐᓯᒪᓂᓯᓐᓂᒃ ᐊᓪᓚᕕᑦᓭᑦ ᑕᕐᓯᑐᕐᓗᒋᑦ. ᑲᒪᔨᖓᓄᑦ ᓄᓇᓕᒻᒧᑦ ᐅᑎᓕᕐᒥᒍᑦᓯ ᑕᑯᓂᐊᕐᓯᒪᓚᐅᕐᓗᓯ, ᐊᓂᕙᓪᓚᒋᐊᖃᕐᓂᐊᒥᔪᓯ ᐳᓛᕆᐊᕐᑐᑦ ᑐᑭᓯᓂᐊᕐᕕᖓᓂ.

ᐊᑐᓂ ᐃᓄᒃ ᖃᖓᑦᑕᔫᒃᑯᑦ ᒥᒍᒪᔪᖅ ᒥᕐᖑᐃᓯᕐᕕᐅᑉ ᐃᓗᐊᓄᑦ ᓯᕗᓂᖓᓂ ᐊᖏᕐᑕᐅᒪᒍᑎᒥᒃ ᐱᒋᐊᓕᒃ ᒥᕐᖑᐃᓯᕐᕕᐅᑉ ᐊᖓᔪᕐᖄᖏᓐᓂᒃ.

ᖁᓚᐅᑲᑦᑕᓂᖅ ᐱᖑᐊᓗᐃᑦ ᑕᓯᖓᓂᒃ ᐊᒻᒪᓗ ᐱᖑᐊᓘᑉ ᐊᕙᓗᐊᑕ ᐃᓗᐊᒍᑦ ᐊᑐᖁᔭᐅᖕᖏᓚᕆᑦᑐᖅ.

ᐆᒪᔪᕐᓂᐊᓂᖅ ᐊᒻᒪᓗ ᐃᖃᓗᓐᓂᐊᓂᖅ

ᖃᓄᑐᐃᓐᓇᖅ ᐆᒪᔪᕐᓂᐊᓂᓕᒫᑦ ᐊᒻᒪᓗ ᒥᑭᒋᐊᕐᓂᐊᓂᓕᒫᑦ ᐊᑐᖁᔭᐅᖕᖏᓚᕆᑦᑐᑦ ᒥᕐᖑᐃᓯᕐᕖᑦ ᐃᓗᐊᓂ. ᖁᑭᐅᓯᔭᕐᓂᖅ, ᐆᒪᔪᕐᓂᐊᕈᑎᓕᔭᕐᓂᖅ ᐊᒻᒪᓗ ᒥᑭᒋᐊᓕᔭᕐᓂᖅ ᐊᑐᖁᔭᐅᖕᖏᓚᕆᒻᒥᔪᑦ ᒥᕐᖑᐃᓯᕐᕖᑦ ᐃᓗᐊᓂ.

ᐃᖃᓗᓐᓂᐊᕈᒪᒍᕕᑦ ᓇᓪᓕᐊᓂ ᓄᓇᕕᐅᑉ ᒥᕐᖑᐃᓯᕐᕕᖏᑦᑕ ᐃᓗᐊᓂ, ᑯᐯᒻᒥᐅᔭᒥᒃ ᐱᔪᓐᓇᐅᑎᖃᕆᐊᖃᕐᑐᑎᑦ ᓇᔪᕐᑎᒋᓗᒍᓗ ᐊᒻᒪᓗ ᒥᕐᖑᐃᓯᕐᕕᒥ ᐃᖃᓗᓐᓂᐊᕈᑎᒥᒃ ᐱᔪᓐᓇᐅᑎᑖᕆᐊᖃᕐᒥᓱᑎᑦ.

ᓂᕆᒋᐊᖃᕐᑐᑎᑦ ᓇᐅᓂᒃ ᐃᖃᓗᑦᑕᓂᐅᕕᑦ ᒥᕐᖑᐃᓯᕐᕕᐅᑉ ᐃᓗᐊᓂ, ᐊᑕᐅᓯᖅ ᐱᖕᖏᑕᑐᐊᕆᓗᒍ, ᑖᓐᓇᑐᐊᖅ ᐅᑎᐅᑦᔨᒍᓐᓇᕋᕕᐅᒃ. ᒥᕐᖑᐃᓯᕐᕕᒥ ᐳᓛᕐᑐᑦ ᐃᖃᓗᓐᓂᐊᕈᒪᒍᑎᒃ ᑕᕐᓯᑐᐃᖃᑦᑕᕆᐊᖃᕐᒥᔪᑦ ᐃᖃᓗᓐᓂᐊᕈᑎᒥᓂᒃ ᑐᓴᕐᑎᓯᒍᑎᓂᒃ, ᑕᒪᒃᑯᐊᓗ ᒪᙯᕝᕕᓂ ᐊᑐᐃᓐᓇᐅᓱᑎᒃ.

ᐃᑉᐱᒋᒋᐊᓕᒃ: ᑕᒡᒐᓂ ᐅᖃᕐᑕᐅᔪᑦ ᐋᕐᕿᓯᒪᒍᑏᑦ ᐊᑐᖕᖏᑦᑐᑦ ᐃᓚᐅᔪᓄᑦ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒧᑦ.

ᓱᓇᓐᓂᐊᕈᑕᐅᓚᖓᑎᓪᓗᒋᑦ ᐊᖏᕐᑕᐅᒪᔪᑦ

ᖃᐅᔨᒋᐊᓪᓚᓂᐊᕋᕕᑦ ᓱᓀᑦ ᐊᑐᕐᑕᐅᒍᓐᓇᒪᖔᑕ ᐊᑐᓂ ᓄᓇᕕᒻᒥ ᒥᕐᖑᐃᓯᕐᕕᐅᑉ ᐃᓗᐊᓂ, ᒪᑯᐊ ᐊᑐᐊᑫᓐᓇᓗᒋᑦ.

ᐱᑦᓯᐊᑐᑦᓴᐅᓂᒃᑯᑦ ᒪᓕᒉᑦ ᐳᓛᕐᑎᓅᓕᖓᔪᑦ

ᓇᐅᒥᒃ ᐃᓄᒻᒥᒃ ᐊᕐᖁᓵᕐᑐᒥᒃ, ᐃᑎᕐᓯᒪᔪᒥᒃ ᐅᕝᕙᓘᓐᓃᑦ ᐊᑑᑎᔪᒥᒃ ᓱᓇᓐᓂᐊᓂᕐᒥᒃ ᒥᕐᖑᐃᓯᕐᕕᐅᑉ ᐃᓗᐊᓂ ᐱᑦᔪᑎᖃᕐᓱᓂ ᐊᓯᒋᔭᐅᔪᒥᒃ ᓱᑯᐃᔦᓂᐅᑉ ᐅᕝᕙᓘᓐᓃᑦ ᐊᐅᓚᑦᓯᔩᑦ ᐱᑦᔪᑎᖓᓄᑦ ᐃᒣᓘᕐᑐᖃᕈᓐᓇᖏᑦᑐᖅ:

  • ᐅᕐᕈᑎᑦᓯᓂᖅ, ᓱᒃᑯᑎᕆᓂᖅ, ᐲᕐᓯᓂᖅ ᐅᕝᕙᓘᓐᓃᑦ ᑎᑭᐅᑦᔨᓂᖅ ᓇᐹᕐᑐᒥᒃ, ᐅᕐᐱᒥᒃ, ᐅᖃᐅᔭᖃᓲᒥᒃ ᐱᕈᕐᑐᒥᒃ ᑌᒣᑦᑐᐃᓘᓐᓃᑦ ᐃᓚᖓᓂᒃ; ᑌᒣᒐᓗᐊᕐᑎᓗᒍ, ᓄᓂᕙᓐᓂᖅ ᓂᕆᔭᐅᒍᓐᓇᑐᓂᒃ ᐱᕈᕐᑐᓂᒃ ᖃᓄᐃᖕᖏᑐᖅ, ᓂᐅᕐᕈᑎᑦᓴᐅᖏᑐᐊᕐᐸᑦ ᐅᕝᕙᓘᓐᓃᑦ ᐱᐅᓕᔭᐅᒪᓇᓱᑦᑐᒥᒃ ᐊᒻᒪᓗ ᐊᖐᒡᒋᑐᒥᒃ ᓴᐳᑎᔭᐅᒪᔪᒥᒃ ᐃᓂᖃᖕᖏᑐᐊᕐᐸᑕ;
  • ᒥᖑᐊᕆᓂᖅ, ᑕᕐᓯᑐᐃᓂᖅ ᐅᕝᕙᓘᓐᓃᑦ ᐲᔦᓂᖅ ᐅᔭᕋᕐᓂᒃ ᐅᕝᕙᓘᓐᓃᑦ ᑌᒣᑦᑐᐃᑦ ᐃᓚᖏᓐᓂᒃ, ᑐᐊᐸᓂᒃ, ᓯᑦᑕᓯᒪᔪᓂᒃ ᐅᔭᕋᖕᖑᓱᑎᒃ ᐅᕝᕙᓘᓐᓃᑦ ᐃᒻᒥᓃᓐᓇᖅ ᓴᓇᓯᒪᔪᓂᒃ;
  • ᓂᕆᒃᑫᓂᖅ ᐆᒪᔪᓂᒃ ᒥᕐᖑᐃᓯᕐᕕᐅᑉ ᐃᓗᐊᓂᒥᐅᑕᓂᒃ;
  • ᑎᑭᐅᑦᔨᓂᖅ ᐆᒪᔪᓂᒃ ᐃᖃᓗᓐᓂᓘᓐᓃᑦ ᖃᓗᖕᖏᑕᑐᐊᕈᓗᒋᑦ ᒪᑯᐊ:
    • ᑕᓯᐅᕐᑏᑦ ᕿᒻᒦᑦ;
    • ᕿᒻᒦᑦ ᐊᑐᕐᑕᐅᔪᑦ ᓱᓇᓐᓂᐊᕈᑎᒧᑦ ᒥᕐᖑᐃᓯᕐᕕᐅᑉ ᐃᓗᐊᓂ ᐊᑐᕈᓐᓇᑎᑕᐅᔪᒧᑦ;
    • ᐃᖏᕐᕋᒍᑏᑦ ᒥᕐᖑᐃᓯᕐᕕᐅᑉ ᐃᓗᐊᒍᑦ ᐅᕝᕙᓘᓐᓃᑦ ᐃᖏᕐᕋᓂᖅ ᒥᕐᖑᐃᓯᕐᕕᐅᑉ ᐃᓗᐊᒍᑦ ᓇᔪᕐᑎᖃᕐᓗᓂ ᐆᒪᔪᒥᒃ ᐃᖃᓗᒻᒥᓘᓐᓃᑦ ᐃᖏᕐᕋᔫᑉ ᐅᕝᕙᓘᓐᓃᑦ ᐅᒥᐊᑉ ᐃᓗᐊᓃᖏᓐᓇᓕᒫᕐᑐᒥᒃ;
    • ᐃᖏᕐᕋᓂᖅ ᐅᕝᕙᓘᓐᓃᑦ ᐃᑎᕐᓯᒪᓂᖅ ᒥᕐᖑᐃᓯᕐᕕᒥ ᐅᕝᕙᓘᓐᓃᑦ ᐃᓚᐅᓂᖅ ᓱᓇᓐᓂᐊᕈᑎᒧᑦ ᕿᒻᒥᖃᕐᓗᓂ ᑌᒪᖕᖓᓕᒫᖅ ᐃᐱᐅᑎᒥᒃ ᐊᑐᕐᑐᒥᒃ ᐊᒻᒪᓗ ᐃᓂᓂ ᑕᒪᑐᒧᖓ ᐊᑐᕈᓐᓇᑎᑕᐅᔪᓂ ᑭᓯᐊᓂ;
  • ᐃᑯᐊᓪᓓᓂᖅ ᓇᓂᑐᐃᓐᓇᖅ ᐊᓯᒋᔭᐅᔪᒥ ᓇᓗᓀᕐᑕᐅᒪᔪᓄᑦ ᑕᒪᑐᒥᖓ ᐊᑐᕐᕕᓴᐅᑎᓪᓗᒋᑦ.

ᖃᓄᐃᓘᕈᑎᓕᒫᑦ ᐱᕙᓪᓕᐊᒍᑕᐅᑦᓱᑎᒃ ᐊᒻᒪᓗ ᐊᐅᓚᑦᓯᒍᑕᐅᑦᓱᑎᒃ ᑯᐯᒃᑯᑦ ᓄᓇᕐᔪᐊᖓᑕ ᒥᕐᖑᐃᓯᕐᕕᖏᓐᓂᒃ ᑕᖏᕐᒥᐅᑕᖃᕆᐊᓖᑦ ᐱᔭᖃᕋᓱᐊᕐᓂᒥᒃ ᓯᕗᓪᓕᐹᒥᒃ ᑐᕌᒐᕐᒥᒃ ᓄᖑᑎᕆᑦᑌᓕᓂᕐᒨᓕᖓᔪᒥᒃ. ᓱᓕᒋᐊᓪᓚᒃ, ᓄᓇᕕᐅᑉ ᒥᕐᖑᐃᓯᕐᕕᖏᑦ ᒪᓕᒻᒥᔪᑦ ᑐᑭᒧᐊᒍᑎᓂᒃ ᑕᑯᑦᓴᒥᒃ ᕿᒣᑦᑌᓕᓂᕐᒧᑦ ᑳᓇᑕᒥ, ᑖᓐᓇ ᑯᐯᒃ ᓄᓇᕐᔪᐊᖓᓂ ᒥᕐᖑᐃᓯᕐᕕᓄᑦ ᓈᒻᒪᓯᓕᑎᕐᑕᐅᓯᒪᑎᓪᓗᒍ ᑯᐯᒻᒥ ᐊᓂᔮᕐᕕᓂᒃ ᐊᐅᓚᑦᓯᔩᑦ ᑲᑐᑦᔨᖃᑎᒌᓐᓂᖓᓄᑦ (SEPAQ).​

menu-blackPlan-Visit