Research RequestsResearch Requestshttp://authoring.nunavikparks.ca

ᓄᓇᕕᒃ ᐊᑦᔨᒌᖕᖏᑐᒻᒪᕆᐊᓗᓐᓂᒃ ᓯᓚᖃᓲᖑᕗᖅ ᐊᒻᒪᓗ ᓄᓇᖃᓲᖑᕗᖅ. ᓄᓇᖓᑕ ᙯᕐᑐᖓ, ᓄᑕᐅᖕᖏᓂᕐᐸᐅᖃᑕᐅᑦᓱᓂ ᓯᓚᕐᔪᐊᓕᒫᒥ, 2.1 ᐱᓕᐊᓐ ᒥᑦᓵᓂ ᐊᕐᕌᒍᓂᒃ ᐅᑭᐅᖃᓕᕐᑐᖅ. ᐅᓂᒃᑳᓴᖓ ᓄᐃᑕᔪᖅ ᑕᒪᑐᒪ ᓄᓇᐅᑉ ᓴᓇᒪᓂᖓᓂ, ᐃᕐᖓᑐᖁᑎᖏᓐᓂ, ᐊᒻᒪᓗ ᖄᒥᐅᑕᖏᓐᓂ, ᖃᓗᓯᔪᓂ ᖃᕐᖃᔪᐊᓂᒃ, ᐱᖑᓂᒃ, ᐊᐅᓱᐃᑦᑐᐃᑦ ᓇᕐᓴᓕᐊᕕᓂᖏᓐᓂᒃ, ᓯᑦᔭᓂᒃ, ᖁᕝᕙᓯᑦᑐᓂᒃ ᓯᑦᔭᕕᓂᕐᓂᒃ, ᐊᒻᒪᓗ ᕿᒡᒍᐃᓇᕐᓂᒃ.

ᓄᓇᕕᒃ ᐱᐅᓯᓕᒃ ᐆᒪᕕᒋᔭᕐᓂᖏᑦᑐᒥᒃ ᓯᓚᒥᒃ, ᐱᕈᕐᑐᓄᑦ ᐱᕈᕐᓴᕕᐅᔪᒥᒃ ᑕᕐᖀᑦ ᐱᖓᓱᑦ ᐊᑖᓄᑦ ᐊᕐᕌᒍᑕᒫᑦ, ᓇᓂᑐᐃᓐᓇᓗ ᓄᓇᐅᑉ ᐃᑭᐊᖓ ᖁᐊᖑᑦᓭᓇᕐᓱᓂ. ᑕᒪᑐᒪ ᓄᓇᐅᑉ ᐱᕈᕐᑐᖃᕐᓂᖓ ᓄᓇᑐᐃᓐᓇᓴᔭᐅᓂᕋᕐᑕᐅᔪᖅ: ᓇᐹᕐᑐᓕᐅᑉ ᓄᓇᑐᐃᓐᓇᖓᓂᒃ ᐱᒋᐊᕐᓱᒍ ᓯᕿᓂᕙᓯᓐᓂᖓᓂ (ᓴᖑᒋᐊᕐᕕᒥ ᐃᕐᐸᖓᔪᓂᒃ ᓇᐹᕐᑐᓕᐅᑉ ᐊᒻᒪᓗ ᐅᑭᐅᕐᑕᑐᔭᐅᑉ ᓄᓇᖏᓐᓄᑦ) ᐅᑭᐅᕐᑕᑑᑉ ᓄᓇᓪᓚᕆᑐᐃᓐᓇᖓᓄᑦ ᑎᑭᑦᓱᒍ ᑕᕐᕋᕙᓯᖓᓂ (ᑕᑯᑦᓴᑐᐊᓕᒻᒧᑦ ᖁᐊᔭᐅᑎᓂᒃ, ᐳᒃᑭᑐᐊᐱᓐᓂᒃ ᐅᖃᐅᔭᓕᓐᓂᒃ ᐅᕐᐱᓂᒃ, ᐊᒻᒪᓗ ᓇᐹᕐᑐᖃᖕᖏᓚᕆᑦᑐᒧᑦ).

ᐱᐅᓯᕐᓱᑐᐃᓐᓇᑐᑦ ᓄᓇᕕᐅᑉ ᓄᓇᖏᑦ ᐆᒪᑦᓯᕗᑦ ᐊᒥᓲᑦᔭᖏᑦᑐᓂᒃ ᐆᒪᔪᖃᕐᕕᓂᒃ ᓱᕐᕋᑕᐅᒍᐊᕐᑐᒪᕆᐊᓗᓐᓂᒃ ᐊᕙᑎᐅᑉ ᐊᖕᖏᐅᑎᑕᐅᓂᖓᓄᑦ, ᑕᒪᓐᓇ ᓱᕐᕋᑕᐅᒍᐊᕐᓂᖓ ᐃᑯᓪᓚᑎᑕᐅᒐᓗᐊᕐᑎᓗᒍ ᐆᒪᕕᐅᔪᑦ ᐊᖏᓂᖓᓄᑦ. ᓄᓇᐅᑉ ᖄᖓᑕ ᒪᓃᓐᓂᖓ, ᓴᕐᖃᑐᓂᖓ, ᙯᑦᑑᑉ ᓴᓇᒻᒪᖓ ᐊᒻᒪᓗ ᑕᕆᐅᒥᒃ ᖃᓂᑦᓴᓂᖅ ᐊᐅᓚᑦᓯᔪᐃᓐᓇᐅᕗᑦ ᐆᒪᔪᐃᑦ ᐊᕙᑎᖏᓐᓂᒃ ᐊᒻᒪᓗ ᓴᐳᒻᒥᐅᑕᐅᕗᑦ ᐊᑦᔨᒌᖕᖏᑐᖃᕐᓂᖓᓂᒃ. 
ᓱᑯᐃᔦᓂᒃᑯᑦ ᖃᐅᔨᓴᕈᑎᓄᑦ ᐱᕕᖃᕐᑎᑕᐅᕗᒍᑦ ᖃᐅᔨᓂᕐᒥᒃ ᐊᒻᒪᓗ ᑐᑭᓯᒋᐊᑦᓯᐊᓂᕐᒥᒃ ᒥᕐᖑᐃᓯᕐᕖᑦ ᐱᑦᓴᖁᑎᖏᓐᓂᒃ. ᖃᐅᔨᓴᕐᑏᑦ ᑕᑯᒋᐊᖁᓇᕐᑐᑦ ᐅᑯᓂᖓ ‘ᓱᑯᐃᔦᔩᑦ ᖃᐅᔨᓴᕈᑎᖏᑦ ᑯᐯᑉ ᓄᓇᕐᔪᐊᖓᑕ ᒥᕐᖑᐃᓯᕐᕕᖏᓐᓂ ᓄᓇᕕᐅᑉ ᐃᓗᐊᓂ’ ᖃᐅᔨᓴᕐᑏᑦ ᑐᑭᒧᐊᒍᑎᖏᑦ ᒪᓂᔨᖕᖏᓂᕐᒥᓂ ᖃᐅᔨᓴᕈᑎᒋᒍᒪᔭᒥᓂᒃ.

ᐃᓛᒃᑰᑐᑦ ᖃᐅᔨᓴᕈᑎᑦᓭᑦ ᒪᑭᑕᐅᓲᖑᕗᑦ ᐊᑐᓂ ᒥᕐᖑᐃᓯᕐᕕᒃ ᐱᑦᔪᑕᐅᑎᓪᓗᒍ. ᑖᒃᑯᐊ ᐱᓇᓱᐊᕈᑎᑦᓭᑦ ᓄᐃᑕᑦᓯᒍᑕᐅᔪᑦ ᒥᕐᖑᐃᓯᕐᕕᐅᑉ ᓄᖑᑎᕆᑦᑌᓕᓂᕐᒥᒃ ᐸᕐᓇᓯᒪᒍᑎᖏᓐᓂᒃ ᐊᒻᒪᓗ ᖃᐅᔨᓴᕈᑎᓂᒃ ᐱᔪᒪᓂᖏᓐᓂᒃ ᑎᒥᐅᔪᑦ ᑕᒫᓂ ᓄᓇᒥ ᐃᖏᕐᕋᔪᑦ. ᑖᒃᑯᐊ ᑕᖏᕆᔭᐅᕗᑦ ᓄᓇᕕᒻᒥ ᒥᕐᖑᐃᓯᕐᕕᓕᕆᔨᒃᑯᑦ ᖃᐅᔨᓴᕈᑎᑎᒍᑦ ᓯᕗᓪᓕᐅᔨᒍᑎᖏᓐᓄᑦ.

ᖃᐅᔨᓴᕈᑎᑦᓴᓂᒃ ᐸᕐᓇᓯᒪᐅᑎᓯ ᑎᑭᑎᓪᓗᒋᑦ ᓄᖑᑎᕆᑦᑌᓕᓂᕐᒥᒃ ᐊᒡᒻᒪᓗ ᐃᓕᓐᓂᐊᑎᑦᓯᓂᕐᒥᒃ ᐱᓇᓱᑦᑎᑎᓐᓄᑦ ᐅᕙᓂ conservation.education@krg.ca

menu-whiteFooter